Auto Star Albania sh.a.

Përfaqësues zyrtar i Mercedes-Benz në Shqipëri

Auto Star Albania sh.a. është një histori suksesi që daton në vitin 1996, si i pari distributor i përgjithshëm zyrtar i automjeteve në Shqipëri. Marrëveshja zyrtare e kontratës ndërmjet Auto Star Albania dhe Daimler-Benz AG është nënshkruar me 26 prill 1996, ndërsa ndërtimi i ambienteve të shitjes dhe servisit nisi disa muaj pas nënshkrimit të kontratës, në nëntor 1996, në një hapësirë totale prej 22 000 m², nga të cilat 1000 m² hapësirë për showroom dhe ekspozimin e makinave, 2000 m² hapësirë për servisin, dhe 1000 m² magazinë për pjesët e këmbimit. Që nga viti 1996, kompania ka realizuar me sukses shitjen dhe dorëzimin e mjeteve për individë, kompanitë private dhe institucionet shtetërore në Shqipëri.

Auto Star Albania sh.a., prej shtatorit 2015 është pjesë e Kastrati Group, një nga investitorët më të mëdhenj dhe më të sukseshëm në Shqipëri, rajon dhe më gjerë. Viti 2016 shënon nisjen e një epoke të re për Auto Star Albania, duke implemtuar një koncept dhe një projekt të ri, modern dhe shumë fuksional me një sipërfaqe totale mbi 30 000 m², një tjetër standard bashkëkohor për të gjithë konçensionarët, jo vetëm në Shqipëri, por në të gjithë rajonin.

Falë investimeve të kryera nga Kastrati Group, Auto Star Albania ka 3-fishuar hapësirat e showroom për ekspozimin dhe shitjen e automjeteve, ka 2-fishuar e hapësirat e servisit dhe të riparimit të mjeteve, ka 2-fishuar kapacitetin e magazinimit të pjesëve të këmbimit si dhe ka zgjeruar hapësirën për prezantimin dhe shitjet e automjeteve të përdorura.

Gjithashtu, Kastrati Group ka sjellë dhe shumë risi të reja jo vetëm për Auto Star Albania, por dhe në tregun e shitjes së automjeteve, siç është financimi nëpërmjet Raiffeisen Bank me 0 % interes në vit të mjeteve të reja dhe siguracionin kasko me normën më të ulët në treg.

Kastrati Group gjatë 2 viteve të fundit ka investuar dhe vazhdon të investojë në aplikimin e teknologjisë më të avancuar dhe zhvillimin profesional të stafit të Auto Star Albania.

Në magazinën e servisit të Auto Star Albania gjenden në mënyrë permanente më shumë se 20.000 pjesë të ndryshme këmbimi për autovetura dhe kamionë, të pajisura me të gjitha certifikatat e nevojshme të cilësisë.

Auto Star Albania në Republikën e Shqipërisë kryen tre funksione kryesore; përfaqësues i Mercedes-Benz, shitje dhe shërbime pas-shitje, duke ofruar shërbime garancie dhe pas garancie për të gjitha automjetet Mercedes-Benz.